موسم
Trending

آج سے ملک کے کئی علاقوں میں بارشوں کا نیا سلسلہ شروع ہونے کی پیشن گوئی

شمالی علاقوں میں بارشوں اور تیز ہواوں کے نئے سلسلے کے دوران گرمی کا زور ٹوٹ جائے گا، لاہور کے نشیبی علاقوں میں سیلابی صورتحال پیدا ہونے کا خدشہ

لاہور(روزنامہ پنجاب اخبارتازہ ترین۔ 26 جون2021ء) اتوار سے ملک کے کئی علاقوں میں بارشوں کا نیا سلسلہ شروع ہونے کی پیشن گوئی، شمالی علاقوں میں بارشوں اور تیز ہواوں کے نئے سلسلے کے دوران گرمی کا زور ٹوٹ جائے گا، لاہور کے نشیبی علاقوں میں سیلابی صورتحال پیدا ہونے کا خدشہ۔ تفصیلات کے مطابق مون سون بارشوں کا سلسلہ بالآخر پاکستان میں داخل ہونے کیلئے تیار ہے۔

محکمہ موسمیات نے اتوار 27 جون سے سے ملک کے کئی علاقوں میں بارشوں کا نیا سلسلہ شروع ہونے کی رپورٹ جاری کی ہے۔ محکمہ موسمیات کی رپورٹ کے مطابق اتوار سے بارشوں کا نیا سلسلہ شروع ہونے کی توقع ہے جس سے جڑواں شہروں اسلام آباد اور راولپنڈی کے مکینوں کو شدید گرمی سے نجات ملے گی۔ جڑواں شہروں کے علاوہ کشمیر، گلگت، استور، مری ، اٹک، چکوال ،جہلم ،گوجرانوالہ ،گجرات ،حافظ آباد ، بدین ،نارووال ،سیالکوٹ ،پشاور ،کوہاٹ ،بنوں ،ڈیرہ اسماعیل خان سمیت مختلف علاقوں میں بھی بادل خوب برسیں گے۔

بتایا گیا کہ کئی علاقوں خاص کر شمالی علاقوں میں بارشوں اور تیز ہواوں کے نئے سلسلے کی وجہ سے گرمی کا زور ٹوٹ جائے گا تاہم ان بارشوں سے لاہور کے نشیبی علاقوں میں سیلابی صورتحال پیدا ہونے کا خدشہ ہے۔

محکمہ موسمیات نے کچھ روز قبل جاری اپنی رپورٹ میں جون کے آخری ہفتہ سے مون سون بارشوں کی پیشگوئی کی تھی۔ رپورٹ کے مطابق مون سون کا پہلا اسپیل 27جون سے 30جون تک متوقع ہے اور رواں سال بھی معمول سے زیادہ بارشوں کا امکان ہے۔

بتایا گیا ہے کہ کراچی میں معمول سے کچھ زائد جبکہ پنجاب کے شمالی علاقوں میں مون سون کی زیادہ بارشوں کا امکان ہے۔

دوسری جانب مون سون سیزن کا باقاعدہ آغاز ہونے سے قبل ہی گزشتہ روز لاہور سمیت کئی شہروں میں خلاف توقع بارش نے موسم خوشگوار بنا دیا۔ کئی شہروں میں جمعہ کی شب کو بادل خوب برسے، جبکہ ہفتے کی صبح کو بھی بارش ہونے کا سلسلہ جاری رہا۔

Zaid Mehmood

صحافت دراصل اس چراغ کی مانند ہے جو اندھیری رات میں مسافر کی راہنمائی کرتا ہے خبر کی سچائی، بے لوث اور بے لاگ تجزیہ اس چراغ کی تیل بتی ہوتا ہے جس سے تشکیل پاتی روشنی قوم کے مزاج کی نہ صرف تعمیر کرتی ہے بلکہ اس کے مزاج کا پتہ بھی دیتی ہے

Related Articles

Leave a Reply

Your email address will not be published. Required fields are marked *

Back to top button