کرکٹکھیل

ملتان سلطانز پہلی بار پی ایس ایل کے فائنل میں پہنچ گئی

ملتان سلطانز نے اسلام آباد یونائیٹڈ کو31 رنز شکست دے کر پی ایس ایل 6 کے فائنل کے لیے کوالیفائی کرلیا۔

ابوظہبی (روزنامہ پنجاب تازہ ترین ویب ڈیسک 21 جون 2021) تفصیلات کے مطابق ابوظبی کے شیخ زید اسٹیڈیم میں کھیلے جانے والے میچ میں اسلام آباد یونائیٹڈ کی ٹیم ملتان سلطانز کی جانب سے دئیے جانے والے 181 رنز کے تعاقب 149 رنز پر ڈھیر ہوگئی۔

عثمان خواجہ کی 70 رنز کی جارحانہ اننگز بھی اسلام آباد یونائیٹڈ کو شکست سے نہ بچاسکی۔

سہیل تنویر نے پہلے ہی اوور میں کولن منرو کو پویلین کی راہ دکھائی، محمد اخلاق 10 رنز بنا کر آؤٹ ہوئے، کپتان شاداب خان بغیر کوئی رن بنائے شاداب خان کا نشانہ بنے۔آصف علی ایک رن پر عمران طاہر کا نشانہ بنے، حسن علی نے 10 رنز بنائے، فہیم اشرف بغیر کوئی رن بنائے آؤٹ ہوئے، حسین طلعت 25 رنز بناسکے۔

سلطانز کی جانب سے سہیل تنویر نے تین کھلاڑیوں کو پویلین کی راہ دکھائی، عمران طاہر نے دو اور مزرابانی نے ایک وکٹ حاصل کی۔ملتان سلطانز نے مقررہ اوورز میں 5 وکٹوں کے نقصان پر 180 رنز بنائے اور اسلام آباد یونائیٹڈ کو جیت کے لیے 181 رنز کا ہدف دیا تھا۔

صہیب مقصود نے 59 رنز کی جارحانہ اننگز کھیلی، جانسن چارلس 21 گیندوں پر 41 رنز بنا کر نمایاں رہے۔

کپتان محمد رضوان بغیر کوئی رن بنائے آؤٹ ہوئے، شان مسعود نے 25 رنز کی اننگز کھیلی، رلی روسو صفر پر شاداب خان کا نشانہ بنے۔خوشدل شاہ نے 42 رنز کی برق رفتار اننگز کھیلی، سہیل تنویر 12 رنز کے ساتھ ناٹ آؤٹ رہے۔

اسلام آباد یونائیٹڈ کی جانب سے شاداب خان اور فہیم اشرف نے دو، دو وکٹیں حاصل کیں، عاکف جاوید ایک وکٹ حاصل کرسکے۔

ملتان سلطانز کے کپتان محمد رضوان نے ٹاس جیت کر شاداب خان الیون کو پہلے بیٹنگ کی دعوت دی تھی۔واضح رہے کہ آخری گروپ میچ میں اسلام آباد یونائیٹڈ نے ملتان سلطانز کو شکست دی تھی۔

اسلام آباد یونائیٹڈ اسکواڈیونائیٹڈ کے کپتان شاداب خان ہیں دیگر کھلاڑیوں میں کولن منرو، عثمان خواجہ، محمد اخلاق، حسین طلعت، افتخار احمد، آصف علی، حسن علی، فہیم اشرف، محمد وسیم اور عاکف جاوید شامل ہیں۔ملتان سلطانز اسکواڈسلطانز کی ٹیم کی قیادت محمد رضوان کررہے ہیں دیگر کھلاڑٰوں میں شان مسعود، صہیب مقصود، جانسن چارلس، رلی روسو، خوشدل شاہ، سہیل تنویر، بلیسنگ مزرابانی، عمران خان، عمران طاہر اور شاہنواز دھانی شامل ہیں۔

AdsMedia

صحافت دراصل اس چراغ کی مانند ہے جو اندھیری رات میں مسافر کی راہنمائی کرتا ہے خبر کی سچائی، بے لوث اور بے لاگ تجزیہ اس چراغ کی تیل بتی ہوتا ہے جس سے تشکیل پاتی روشنی قوم کے مزاج کی نہ صرف تعمیر کرتی ہے بلکہ اس کے مزاج کا پتہ بھی دیتی ہے

Related Articles

Leave a Reply

Your email address will not be published. Required fields are marked *

Back to top button